Baráttumál
Félag íslenskra netverja er neytendasamtök þeirra sem nota netið og stendur vörð um vöxt netsins og frelsi til tjáskipta og samskipta eins og kveðið er á um í lögum félagsins.
Upplýsingin er okkar besta vopn og er Netið kjörin vettvangur fyrir upplýsinga- og skoðanaskipti.
Mikilvægt er að þeir sem veita alhliða fjarskiptaþjónustu séu meðvitaðir um mikilvægi upplýsingaþjóðfélagsins og komi til móts við eðlilegar kröfur um fjölbreytta þjónustu og magnafslátt í nýju og breyttu neyslumynstri. Mikilvægt er að þetta tækifæri verði Netinu til góða og komi fram í bættri og stóraukinni þjónustu.
Ennfremur þarf að efla samstarf við menntakerfið, menninguna og þá sem minna mega sín til að móta uppbyggingu notkunar netsins á Íslandi.
Félagið leggur áherslu á frelsi einstaklinga og fyrirtækja til tjáskipta og verslunar á netinu. Stefnumótun fer fram á póstlistum og á fréttaþræðinum news:is.netverjar og eru allir velkomnir.
| 
