Af netinu
Öryggi hjá bönkunum - hvað er það? - (02.03.2001)
Bankarnir geyma peningana okkar á glámbekk.
Í þessari
frétt
á Vísi.is kemur fram að bankarnir sjái
ekkert að því að hver sem er geti tekið peninga af reikningum landsmanna, og
gefið krabbameinsfélaginu. Það eina sem þarf er kennitölu, og kreditkorta-
eða reikningsnúmer, sem eru langt frá því að vera leyndarmál.
Bankarnir virðast jafnframt telja að það sé í lagi að leggja þá byrði á
herðar viðskiptavina sinna að þeir fylgist sjálfir með í heimbönkum og á
yfirlitum hvort verið sé að stela af þeim - og þá spyr maður sjálfan sig,
til hvers eru bankarnir eiginlega?
Fyrir hönd félagsins hringdi
undirritaður í Íslandsbanka rétt í þessu, og spurði þá hvort það ætti
eitthvað að laga þessi mistök. Ég bíð nú eftir nú eftir svari.
-
Bjarni Rúnar Einarsson (bre@netverjar.is)
Uppfært: Bankarnir hafa þegjandi og hljóðalaust bætt töf og
tilkynningu bréfleiðis við ferlið. Þetta bætir ástandið mjög mikið, en
hefur áfram þann eiginleika að byrðin er öll hjá neytandanum þegar eitthvað
fer úrskeiðis - maður þarf sjálfur að hafa fyrir því að hafa samband við
bankann og leiðrétta, og ef maður er erlendis meðan bréfið berst eða ef
bréfið týnist, þá er maður í jafn vondum málum og áður.
Fréttir
| 
