Viðtal
Viðtal Eggerts Skúlasonar við Davíð Oddsson,
forsætisráðherra, í fréttaþættinum 19-20 á Stöð 2
30. október 1997.
Eggert: Hvað finnst þér um framkvæmd Pósts og
síma og gjaldskrárbreytinguna í tengslum við það
að gera landið allt að einu gjaldsvæði?
Davíð Oddsson, forsætisráðherra: Ég hef talið það
vera skynsamlegt að gera landið að einu
gjaldsvæði. Og það var rætt þannig í þinginu og
menn vildu fara frekar hratt í dæmi að gera
landið að einu gjaldsvæði, það væri ekki efni til
þess lengur að hafa þann mismun sem þar hefur
verið á. Á hinn bóginn er ég ekki alveg
sannfærður um þær tölur sem nefndar hafa verið og
mun fara ofan í þær og óska eftir svona gleggri
skýringum og upplýsingum á því að svo mikillar
hækkunar sé þörf til þess að ná þeim markmiðum.
Ég verð að segja það að ég hef svona ákveðnar
efasemdir um það.
Eggert: Muntu segja við Halldór Blöndal, svona
gera menn ekki?
Davíð Oddsson: Nei við munum hittast á morgun við
Halldór og hann er ekki í bænum núna og við höfum
talað saman og við munum hittast á morgun og fara
þá yfir þau gögn sem liggja til grundvallar, ég
hef ekki séð þau og vil sjá þau, til þess að
sannfærast um að svo mikil hækkun sé nauðsynleg,
ég hef svona efasemdir um það.
Allur réttur áskilinn. ©1997 Íslenska útvarpsfélagið.
| 
