Orðalisti netverja.
Listinn er í vexti en er afar stutt kominn enn. Spurningar, athugasemdir eða viðbætur eru vel þegnar.
- Aðgangsveita(ndi)
- Internetþjónusta.
- Cracker
- Krakker, krakkari. Tölvuglæpamaður, innbrotsþjófur, vondur hakkari.
- Fréttahópur
- Fréttaráðstefna, News-group á USENET ráðstefnukerfniu. Dæmi um nöfn: alt.pets.cats og is.netverjar
- Hacker
- Hakker, hakkari. Óforbetranlegur fiktari - oft nörd af hörðustu sort. Hakkerar njóta þess að kynna sér vélbúnað og hugbúnað inn og út og beita oft afar óhefðbundnum (en snjöllum) aðferðum til að yfirstíga tæknilegar takmarkanir og ná settum markmiðum.
Einnig er orðið notað yfir tölvuþrjóta, og hefur þá svipaða merkingu
og orðið cracker. Að sumra mati (sérstaklega
þeirra sem vilja láta kalla sig "hacker" án þess að bendla sig við
glæpastarfsemi) er þetta misnotkun á orðinu.
- Internetþjónusta
- Sá aðili sem veitir þér netsamband.
- ISP
- Internet Service Provider. Internetþjónusta.
- Kjötheimur/-ar
- "Ótengdi" heimurinn utan netsins. Meiningin er ekki neikvæð á neinn hátt.
- Krækja
- Hypertext-link. Linkur, eða vísun sem maður getur fylgt á vefsíðum.
- Netfang
- E-mail address, Tölvupóstfang. Er alltaf á forminu xxxxx@yyyyy.zz.
- Ruslpóstur
- (e. Spam). Hverskyns sendingar sem innihalda óumbeðninn áróður og "kynningarefni", hvort sem er í gróða- eða hugsjónaskyni. Skilgreining Ísnet.
- Saxbauti
- Spam.
- Snail-mail
- Sniglapóstur.
- Sniglapóstur
- Venjulegur gamaldags bréfapóstur með frímerkjum.
- Spam
- Ruslpóstur.
- Tölvupóstfang
- Netfang.
- URL
- Uniform Resource Locator. Stöðluð aðferð til að vísa á efni á netinu. Vefslóðir eru ein tegund af URLum. Aðrar tegundir URLa byrja á: mailto:, ftp://, gopher:// og news:
- Veffang
- Vefslóð sem bendir á heimasíðu einhvers. Sambærilegt við "heimilisfang".
- Vefslóð
- Vísun á (eða URL fyrir) síðu á vefnum. Allar vefslóðir byrja á http://. Sjá einnig Veffang.
|