ATH: Starfsemi félags Netverja liggur því miður niðri.

Aðalfundur Félags íslenskra netverja Fundargerð 30. ágúst 1998 Veitingahúsinu Vegamótum, Vegamótastíg, Reykjavík. Fundur settur klukkan 15.30. Á fundinn voru mættir 19 manns. Í upphafi fundar var fundarstjóri kjörinn Ólafur R. Ólafsson sem valdi Maríu Edwardssottur sem ritara. Að því loknu var tekið til við auglýsta dagskrá: Skýrsla formanns. Skýrsla gjaldkera. Kosning nýrrar stjórnar. Lagabreytingar. Önnur mál. 1. Skýrsla formanns Eyþór Arnalds steig í pontu og skýrði stuttlega frá vinnu stjórnar síðastliðið ár. Hann rak tilurð félgsins ásamt því hvað hafði áunnist. Einnig velti hann framtíðinni fyrir sér og hverju félagið mætti búast við að vinna að. 2. Skýrsla gjaldkera Þar sem [fráfarandi] gjaldkeri Netverja mætti ekki á aðalfund tók fundarstjóri það að sér að gera grein fyrir reikningum félagsins. Reyndar eru þeir ekki miklir, og eina færslan í bókhaldi félagsins er 27.000,- króna skuld sem stofnað var til vegna stofnfundar félagsins. 3. Kosning stjórnar Stjórnarkjör byrjaði á kosningu til formanns. Þrír gáfu kost á sér að þessu sinni: Guðmundur Ragnar Guðmundsson, Jónas Ingi Ragnarsson og Andrés Magnússon. Héldu þeir hver um sig stutta framboðsræðu þar sem þeir útlistuðu hver sína stefnu. Kosningin fór fram leynilega og fóru atkvæði þannig að Guðmundur Ragnar fékk 3 atkvæði, Jónas Ingi 3 sömuleiðis, en Andrés Magnússon var réttkjörinn formaður með 13 atkvæði. Tók Andrés til máls og þakkaði stuðninginn og samkeppnina. Næst kom að almennu stjórnarkjöri og voru eftirtaldir einstaklingar í framboði: (Svigar mekja þá sem buðu sig fram en mættu ekki á aðalfundinn) (Atli Týr Ægisson) Bjarni R. Einarsson (Bjarni Þ. Gylfason) (Eggert Jón Magnússon) (Einar Björgvin Eiðason) Guðmundur Ragnar Guðmundsson Ísak R. Jóhannsson Jón Gunnar Gylfason Jónas Ingi Ragnarsson María Edwardsdóttir Már Örlygsson Ólafur Ragnar Ólafsson Fleiri buðu sig ekki fram. Að loknu formannskjöri ákvað Guðmundur Ragnar að draga framboð sitt til baka og er því stjórnin rétt kjörin án atkvæðagreiðslu: Andrés Magnússon, formaður Bjarni R. Einarsson Ísak R. Jóhannsson Jón Gunnar Gylfason Jónas Ingi Ragnarsson María Edwardsdóttir Már Örlygsson Ólafur Ragnar Ólafsson (Þarna vantar 8. mann auk formanns, en Elías Halldór Ágústsson hefur verið tímabundið settur sem varatæknimaður og 8. meðlimurinn.) 4. Lagabreytingar Lagðar voru fram lagabreytingartillögur við upphaf aðalfundar. Þessar lagabreytingar eru tvær, og snerta þrjár mismunandi greinar: Bjarni R. Einarsson og Már Örlygsson lögðu til þessar breytingar: 9 gr. Aðalfund félagsins skal halda fyrir lok nóvember ár hvert. Boða skal til aðalfundar á tryggilegan hátt með tilkynningu til allra félagsmanna með að minnsta kosti [viku fyrirvara ef um netfund er að ræða annars tveggja vikna fyrirvara.] 10 gr. Rétt til setu á aðalfundi eiga allir fullgildir félagsmenn. Sérhver félagsmaður hefur eitt atkvæði. [Atkvæði skal greiða með þeirri aðferð sem hentar best hverju sinni. Hægt er að fara fram á leynilega atkvæðigreiðslu.] Guðmundur Ragnar lagði til breytingar: 10 gr. Rétt til setu á aðalfundi eiga allir fullgildir félagsmenn. Sérhver félagsmaður hefur eitt atkvæði. [Atkvæði skal greiða með [rafpósti eða] hverri þeirri aðferð sem hentar best hverju sinni Hægt er að fara fram á leynilega kosningu.] Ólafur Ragnar Ólafsson lagði því næst til eftirfarandi breytingu: 5. gr. Í stjórn félagsins sitja formaður og [sex stjórnarmenn, þ.a. tveir varamenn.], sem kjörnir eru á aðalfundi skv. 11. grein. Formaður skal kjörinn sérstaklega en aðrir stjórnarmenn í einu lagi. Stjórn skal sjálf skipta með sér verkum og velja varaformann, ritara og gjaldkera. Ákvörðun var tekin um að fresta atkvæðagreiðslu, ásamt aðalfundi, til 13. september 1998 kl. 15:00. Fer fundurinn fram á Netinu og verður þar einungis kosið um þessar lagabreytingar. Fundi var frestað klukkan 17:00. María Edwardsdóttir, sign